Një kotele me një tipar të rrallë gjenetik ka pushtuar zemrat e mijëra përdoruesve në rrjetet sociale. Dobby, një mace 7-muajshe nga Alabama, ka lindur me një mutacion që e bën të duket sikur ka katër veshë.
Kotelja u bë virale pasi kujdestarja e saj e përkohshme, Stephanie Brown, publikoi fotografi në Reddit dhe Instagram. Postimi mori mbi 27 mijë pëlqime dhe qindra komente, me shumë përdorues që u mahnitën nga pamja e pazakontë e Dobby-t.
Sipas Brown, Dobby ka një temperament të butë dhe është veçanërisht i afërt me fëmijët. Pavarësisht veshëve të dyfishtë, dëgjimi i tij nuk është i prekur. Ai ka gjithashtu një bisht të shkurtër të lakuar dhe një problem të lehtë me dhëmbët, për të cilin pritet të kryejë një ndërhyrje dentare në prill.
Aktualisht, Dobby ndodhet në kujdesin e një familjeje dhe kërkon një shtëpi të përhershme në zonën e Alabama-s. Reagimi masiv në rrjet ka rritur shpresat se ai do të gjejë shumë shpejt një shtëpi të re plot dashuri.
