Që prej orës 11:30, specialistët e Xhenios kanë nisur aksionin për zhbllokimin e aksit rrugor Uji i Zi – Tozhar, në territorin e Bashkisë Poliçan, pas vështirësive të krijuara në qarkullim.
Paralelisht, Forcat e Armatosura të Republikës së Shqipërisë vijojnë angazhimin në terren për kërkimin e trupit të personit të humbur pranë kanioneve të Skraparit.
Në operacion janë përfshirë:
Regjimenti i Poshnjes, me 12 efektivë, 2 mjete dhe 2 varka;
Regjimenti i Operacioneve Speciale (ROS), Tiranë, me 12 efektivë, të pajisur me dron për kërkim dhe vëzhgim ajror.
Sipas autoriteteve, Forcat e Armatosura po veprojnë në koordinim të plotë, duke shfrytëzuar kapacitetet njerëzore dhe teknike për përballimin e situatës dhe përmbylljen me sukses të operacionit.
Autoritetet bëjnë me dije se situata po monitorohet në mënyrë të vazhdueshme dhe publiku do të informohet për çdo zhvillim të ri.
–
