Moti i keq që goditi kryeqytetin dhe disa qarqe të tjera të vendit ka shkaktuar jo vetëm dëme materiale, por edhe pasoja në shëndetin e qytetarëve.
Balkanweb raporton se në spitalin e Traumës janë paraqitur 20 persona me dëmtime të ndryshme, pas stuhisë që përfshiu Tiranën në vetëm disa minuta.
View this post on Instagram
Nga 20 të lënduar, 10 janë ende nën kujdesin e mjekëve dhe marrin trajtim të specializuar, ndërsa pjesa tjetër është larguar për në shtëpi pasi morën shërbim mjekësor.
Autoritetet paralajmërojnë qytetarët të tregojnë kujdes maksimal në këto kushte dhe të respektojnë rregullat e sigurisë në rrugë.
