Dy të rinj nga Kosova kanë rënë në prangat e Policisë së Lezhës, disa orë pas një vjedhjeje të ndodhur gjatë natës në një tabakino, në aksin rrugor Milot–Lezhë.
Falë reagimit në kohë dhe veprimeve të shpejta e profesionale të shërbimeve policore, u bë e mundur identifikimi, lokalizimi dhe ndalimi i autorëve të dyshuar, të cilët po tentonin të largoheshin drejt Malit të Zi me automjetin që përdorën për kryerjen e vjedhjes.
Në pranga ranë shtetasit:

A. S., 18 vjeç

T. I., 18 vjeç, të dy banues në Kosovë.

Nga hetimet e para, dyshohet se ata kanë vjedhur produkte të ndryshme në tabakino, ndërsa automjeti i përdorur për ngjarjen është sekuestruar si provë materiale.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme ligjore.

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu