Teksa vendi ynë është “mbërthyer” nga i nxehti dhe temperaturat e larta, në zonën turistike të Gjirit të Lalëzit mungon uji.
Shkak është bërë dëmtimi i një tubacioni me diametër 450 mm, i cili furnizon me ujë këtë zonë.
Difekti ka ndodhur pranë kompleksit Lura për shkak të tërmetit të disa ditëve më parë.
Specifikë e këtij lloj tubacioni, GRP, është se mund të dëmtohen edhe nga tërmeti duke marë krisje.
Aktualisht rezulton se është dëmtuar i gjithë tubi në një gjatësi prej 12 m.
Difekti është konstatuar dje dhe brigada e avarive nga Ujësjellës Kanalizime Rajoni Durrës ka punuar gjatë gjithë natës për zëvendësimin e tubacionit të dëmtuar.
Aktualisht punimet janë drejt fundit dhe për pak orë pritet të rifillojë furnizimi i zonës me ujë të pijshëm./vizionplus
