Fluturimi i kompanisë Ryanair i parashikuar të nisej nga Aeroporti i Rinasit sot në orën 09:20, është shtyrë për në orën 11:00. Udhëtarët nuk janë njoftuar paraprakisht për këtë vonesë.
Shumë prej tyre kanë qëndruar në sallën e pritjes pa informacion të saktë mbi situatën. Pritja e gjatë ka shkaktuar shqetësim dhe irritim në mesin e pasagjerëve.
Disa kanë shprehur pakënaqësinë e tyre edhe në rrjetet sociale. Vonesat në fluturimet e Ryanair nga Rinasi janë kthyer në një problem të përsëritur.
Kompania nuk ka dhënë ende një arsye zyrtare për këtë shtyrje./(Balkanweb)
