Kryetari i Partisë Demokratike, Sali Berisha, ka uruar besimtarët për festën e Pashkëve nga Katedralja e Shën Palit në Tiranë, duke theksuar se kjo ditë simbolizon ringjalljen, përjetësinë dhe shpresën e pashuar.
Kreu i PD-së gjithashtu bëri një lutje për të ardhmen, teksa u shpreh që ‘Pashkën tjetër ta kremtojmë siç na e do zemra dhe pa antikrishtin në trojet tona‘.
“Të gjithë besimtarëve, katolikë shqiptarë në Shqipëri dhe mbarë botën kudo që janë sot, ju uroj nga zemra, gëzuar ditën më të rëndësishme në historinë e qytetërimit perëndimor, ditën e ringjalljes së Krishtit mbret.Kjo ditë shënon ringjalljen, përjetësinë, shpresën e pashuar. Le të urojmë nga zemra, që Pashkën tjetër ta kremtojmë siç na e do zemra dhe pa antikrishtin në trojet tona”, shprehet Berisha./tvklan
