Hamasi ka dorëzuar trupat e katër pengjeve të tjerë izraelitë, në këmbim të dhjetëra të burgosurve palestinezë.
Izraeli do të kryejë mostrat e ADN-së për të konfirmuar se ato janë eshtrat e Shlomo Mansour, 86 vjeç, Ohad Yahalomi, 50 vjeç, Tsachi Idan, 50 vjeç dhe Itzik Elgarat, 69 vjeç. Të gjithë ishin marrë peng nga Hamasi në sulmet e 7 tetorit 2023.
Herët të enjten, Izraeli filloi të lirojë më shumë se 600 të burgosur palestinezë, me dhjetëra të kthyer në Bregun Perëndimor të pushtuar dhe Gaza, ku u pritën nga turma të ngazëlluara
Ky është shkëmbimi përfundimtar i fazës së parë të marrëveshjes së armëpushimit, e cila do të përfundojë të shtunën.
Izraeli ende nuk ka konfirmuar rezultatet e testeve të ADN-së të kryera në katër trupat e kthyer si pjesë e shkëmbimit. Testet fillestare pritej të bëheshin pranë kufirit Izrael-Gaza dhe mediat izraelite më vonë raportuan se ata u transportuan në një laborator të mjekësisë ligjore në Tel Aviv.
Kryerja e testeve po kryhet pasi disa ditë më parë Hamasi i dorëzoi Izraelit trupin e një tjetër gruaje në vend të Shiri Bibas, duke shkaktuar zemërim në Izrael./abcnews
