“Kushtet e Atit të Shenjtë vazhdojnë të jenë kritike, prandaj, siç u shpjegua dje, Papa nuk është jashtë rrezikut. Këtë mëngjes Papa Françeskun e kapi një krizë të zgjatur astmatike e frymëmarrjes, e cila kërkonte gjithashtu aplikimin e oksigjenit me fluks të lartë. Testet e gjakut të sotëm nxorën në pah trombocitopeninë, e lidhur me aneminë, e cila kërkonte administrimin e njëtrajtshëm të gjakut ai kishte më shumë dhimbje Në krahasim me dje, për momentin prognoza është e rezervuar”. Këtë e bëri të ditur zyra e shtypit e Vatikanit.
Me vazhdimin e shtrimit të Papës Françesku në Poliklinikën Gemelli dhe masat paraprake të shpjeguara dje nga grupi mjekësor, që e mjekon, takimet e planifikuara për nesër, e diel, 22 shkurt, do të ndjekin të njëjtën rrugë, si javën e kaluar. Prandaj, Salla e Shtypit e Vatikanit – e cila sot paradite përmes një Telegramit njoftoi se Papa “pushoi mirë” – lajmëroi se Papa Françesku nuk do t’i prijë lutjes së Engjëllit të Zotit në mesditë, por në atë orë teksti do të bëhet publik, siç ndodhi të dielën e kaluar.
Jubileu i Diakonëve
Para lutjes mariane, në Bazilikën e Shën Pjetrit, në program, në orën 9 të mëngjesit është Mesha me shugurimet diakonale, me rastin e Jubileut të kategorisë. Gjithashtu me këtë rast, Salla e Shtypit e Selisë së Shenjtë njofton se kremtues do të jetë Kryeipeshkvi Rino Fisichella – pro-prefekt i Dikasterit të Ungjillizimit, Seksioni për Çështjet Themelore të Ungjillizimit në Botë – i cili do të lexojë edhe tekstin e homelisë, përgatitur nga Françesku për këtë rast.
