Të mbjellat e verës po i korr tani në vjeshtë
Fermeri Injac Dedi, po merr prodhimin e 19 hektarëve tokë me misër për të cilën thotë se cilësia është shumë e mirë sepse tokat në Ashtë të Vaut të Dejes janë shumë pjellore por ka pakënaqësi për çmimin.
“Me këtë prodhim jam shumë i kënaqur, por jo nga shteti. Të paktën do shkojë 50 lekë kg. Plugu, mbjellja, spërkatja.. ta bësh hesapin, del zero përfitim. Rrugët janë të bllokuara.”, tha fermeri.
Bllokimi i kanaleve vaditëse dhe kolektorëve shkarkues në fshat, është armiku me i madh i bujqësisë tregon fermeri./tch
