Anglia e ka mbyllur Botërorin 2026 me medaljen e bronztë, pasi mposhti Francën me rezultatin spektakolar 6-4 në finalen për vendin e tretë, të zhvilluar në Miami.
Skuadra angleze e nisi vrullshëm takimin, duke kaluar në avantazh që në minutën e 3-të me Declan Rice. Ezri Konsa dyfishoi shifrat në minutën e 18-të, ndërsa Bukayo Saka realizoi dy herë para pushimit (37′ dhe 45+1), duke e çuar Anglinë në avantazhin e thellë 4-0.
Në pjesën e dytë, Franca reagoi me Kylian Mbappé, i cili shënoi dy gola (48′ dhe 66′), ndërsa Bradley Barcola ngushtoi përkohësisht diferencën në 4-3.
Megjithatë, Saka kompletoi tripletën e tij nga pika e bardhë në minutën e 87-të, duke rikthyer qetësinë për anglezët. Në fund, Ousmane Dembélé realizoi golin e katërt për Francën në shtesë, por Jude Bellingham vulosi rezultatin 6-4 me golin e fundit të ndeshjes.
Me dy golat e realizuar, Kylian Mbappé mori kryesimin e garës për “Këpucën e Artë” dhe u bë golashënuesi më i mirë në historinë e Kampionateve Botërore, sipas statistikave të publikuara nga BBC.
Bukayo Saka u shpall lojtari më i mirë i ndeshjes, pasi udhëhoqi Anglinë drejt suksesit në një nga sfidat më spektakolare të këtij Botërori.
