Reshjet e dendura të shiut kanë shkaktuar përmbytje në zonën turistike të Thethit, duke krijuar një situatë shqetësuese për banorët që prej mbrëmjes së kaluar.
Sipas A2 CNN, situata më problematike paraqitet në Fushë-Theth, ku prurjet e mëdha të ujit kanë dalë nga kanalet dhe janë përhapur në afërsi të banesave, duke rrezikuar përmbytjen e tyre.
Nga vërshimet raportohen edhe dëme në bagëti në pronën e Dedë Drenit, ndërsa banorët shprehen të shqetësuar se vazhdimi i reshjeve mund ta përkeqësojë situatën.
Përveç përmbytjeve, zona po përballet edhe me ndërprerje të energjisë elektrike, duke vështirësuar më tej jetesën e banorëve në kushtet e motit të keq.
Situata mbetet shqetësuese, veçanërisht në Fushë-Theth, ku vërshimet e ujit kanë arritur pranë shtëpive.
