Sulmuesi i dyshuar qëlloi shumë herë drejt skenës në tubimin e Trump nga një pozicion i ngritur jashtë vendit të tubimit”, tha në një deklaratë shefi i komunikimit të Shërbimit Sekret Anthony Guglielmi.
“Personeli i Shërbimit Sekret Amerikan neutralizoi sulmuesin, i cili tani është i vdekur. Shërbimi Sekret Amerikan u përgjigj shpejt me masa mbrojtëse dhe ish-presidenti është i sigurt dhe po kontrollohet”, thuhet në deklaratë.
“Një spektator u vra, dy u plagosën rëndë”, shtoi ai.
Guglielmi tha se incidenti është nën hetim dhe Shërbimi Sekret ka njoftuar zyrtarisht FBI-në.
Deklarata e tij nuk konfirmoi atë që tha Trump në postimin e tij në Truth Social se u qëllua në vesh.
