Lefter Koka do të rikthehet në burg, pas vendimit të dhënë nga Apeli i GJKKO për çështjen e inceneratorit të Tiranës.
Sipas vendimit të Apelit të Gjykatës së Posaçme kundër Korrupsionit dhe Krimit të Organizuar, ish-ministri duhet të vuajë edhe disa muaj burgim në kuadër të masës së sigurisë dhe procedurave të lidhura me dosjen e inceneratorëve.
Vendimi lidhet me hetimet për aferën e inceneratorit të Tiranës, një nga dosjet më të bujshme të trajtuara nga SPAK dhe GJKKO.
Lefter Koka ka qenë një nga zyrtarët më të lartë të arrestuar në hetimet për inceneratorët dhe akuzohet për korrupsion, shpërdorim detyre dhe pastrim parash në lidhje me kontratat koncesionare.
