Sipas raportimeve, autori i dyshuar, Cole Allen, kishte arritur të hynte në hotelin ku mbahej eventi duke rezervuar një dhomë dhe duke futur armë të shumta, përfshirë pushkë, pistoletë dhe thika. Kjo i ka lejuar të shmangë filtrat fillestarë të sigurisë.
Ngjarja ka nxjerrë në pah dobësi serioze në protokollet e sigurisë, pavarësisht masave të shumta që zakonisht shoqërojnë eventet presidenciale. Autori arriti të kalojë kontrollin e parë dhe të afrohet pranë zonës së eventit, ku hapi zjarr, duke plagosur një polic, i cili shpëtoi falë jelekut antiplumb.
Forcat e sigurisë ndërhynë menjëherë duke evakuuar presidentin dhe bashkëshorten e tij në një zonë të sigurt, ndërsa agresori u neutralizua brenda pak minutash.
Ngjarja ka rihapur debatin për sigurinë e liderëve amerikanë, ndërsa autoritetet pritet të hetojnë nëse ka pasur mangësi në kontrollin e hotelit dhe koordinimin mes agjencive.
