Gazetarja dhe moderatorja Jonida Shehu ka nisur një etapë të re në karrierën e saj profesionale, pasi është emëruar këshilltare për mediat në Kryeministri.
Emërimi u prezantua këtë të hënë gjatë mbledhjes së Grupit Parlamentar të Partisë Socialiste, e zhvilluar në Kryesinë e Kuvendit. Takimi nisi rreth orës 11:15, ndërsa njoftimi u bë nga Kryetari i Grupit Parlamentar të Partisë Socialiste dhe Drejtuesi Politik i PS për Diasporën, Taulant Balla.
Shehu vjen në këtë detyrë pas një eksperience të gjatë në gazetari dhe moderim televiziv, duke kaluar tashmë në një rol institucional pranë qeverisë.
