Auckland, qyteti më i madh i Zelandës së Re, ka mirëpritur Vitin e Ri 2026 me një spektakël madhështor fishekzjarresh, të hedhura nga Sky Tower, simboli më i njohur i qytetit.
Mijëra qytetarë dhe turistë u mblodhën në qendër të Auckland-it dhe përgjatë bregut për të ndjekur momentin e ndërrimit të viteve, i cili u shënua nga numërimi mbrapsht i projektuar në kullë dhe nga shpërthimi i fishekzjarreve që ndriçuan qiellin mbi qytet.
View this post on Instagram
Pamjet tregojnë fillimisht numrat e numërimit mbrapsht në Sky Tower, të pasuar nga fishekzjarre të fuqishme dhe plane të gjera të horizontit të Auckland-it, teksa qyteti hynte në vitin e ri. Spektakli u ndoq drejtpërdrejt nga publiku vendas dhe u transmetua përmes mediave kombëtare.
Zelanda e Re është ndër vendet e para në botë që hyn në Vitin e Ri, për shkak të pozicionit të saj gjeografik, dhe festimet në Auckland shërbejnë tradicionalisht si një nga sinjalet e para globale të nisjes së vitit të ri.
