Artistët Kendrick Lamar dhe Lady Gaga kryesojnë listën e nominimeve për Çmimet Grammy 2026, duke dominuar në kategoritë kryesore të muzikës botërore.
Reperi nga Compton, Kendrick Lamar, ka siguruar nëntë nominime – përfshirë atë më të rëndësishmen, Albumi i Vitit për albumin e tij “GNX”. Ky është viti i dytë radhazi që Lamar udhëheq listën e nominimeve.
Ndërkohë, Lady Gaga ka marrë shtatë nominime, përfshirë “Albumi i Vitit” me projektin “Mayhem”, që shënon një rikthim në rrënjët e saj elektro-pop.
K-Pop hyn për herë të parë në garën për “Këngën e Vitit”
Një tjetër risi historike përfshin përfshirjen e K-Pop në kategoritë kryesore të “Grammy”. Dy këngë janë nominuar për “Song of the Year”:
“APT” e Rosé & Bruno Mars,
dhe “Golden” nga Hunter/x, banda virtuale që shkëlqeu me kolonën zanore të filmit “K-Pop Demon Hunters”.
Rosé, anëtare e grupit Blackpink, është bërë artistja e parë e K-Pop që hyn në një nga të ashtuquajturat “Big Four” të Grammy-ve.
Luftë mes gjigantëve të muzikës
Në garë për Albumin e Vitit janë gjithashtu:
Bad Bunny me albumin në spanjisht Debí Tirar Más Fotos,
Tyler, The Creator me Chromakopia,
Clipse me Let God Sort Em Out,
dhe Sabrina Carpenter me Man’s Best Friend.
Nëse Kendrick Lamar fiton, GNX do të bëhet albumi i parë rap që merr çmimin e madh që nga viti 2004, kur fitoi “Outkast”.
Nominimet kryesore
Kënga e Vitit:
Lady Gaga – Abracadabra
Kendrick Lamar ft. SZA – Luther
Bad Bunny – DtMF
Rosé & Bruno Mars – APT
Sabrina Carpenter – Manchild
Billie Eilish – Wildflower
Hunter/x – Golden
Albumi i Vitit:
Kendrick Lamar – GNX
Lady Gaga – Mayhem
Bad Bunny – Debí Tirar Más Fotos
Tyler, The Creator – Chromakopia
Clipse – Let God Sort Em Out
Sabrina Carpenter – Man’s Best Friend
Mungon Taylor Swift
Për herë të parë që nga viti 2006, Taylor Swift nuk është pjesë e nominimeve, pasi albumi i saj më i fundit The Life of a Showgirl doli pas afatit zyrtar për t’u përfshirë në garën e këtij viti. Ai do të jetë i vlefshëm për “Grammy 2027”.
Ceremonia e ndarjes së çmimeve “Grammy Awards 2026” do të zhvillohet më 1 shkurt 2026 në Los Angeles, ku do të shpallen fituesit nga më shumë se 23,000 aplikime të dorëzuara këtë vit.
