Ursula Corbero, aktorja e famshme e “La Casa De Papel” e njohur për rolin e saj “Tokio”, është shtatzënë.
Ylli spanjoll njoftoi lajmin përmes një postimi në rrjetet sociale ku publikoi një foto me barkun e rrumbullakosur.
Aktorja zbuloi se është në pritje të fëmijës së saj të parë me partnerin e saj prej shumë kohësh, Chino Darin.
Në mbishkrimin që shoqëronte postimin e saj, ajo komentoi me humor: “Nuk është produkt i inteligjencës artificiale“.
Përpara se të konfirmonte publikisht shtatzëninë e saj, Corbero foli për mendimet e saj mbi amësinë.
Në një intervistë me Vogue España në gusht 2023, ajo tha: “Gjithmonë e kam imagjinuar veten si një nënë shumë të re, por e kupton që realiteti është ndryshe dhe vitet kalojnë“, duke shpjeguar se si rruga e saj në karrierë dhe kërkesat e jetës e riformësuan dëshirën e saj.
Lidhja e Ursula Corbero me Chino Darin filloi në vitin 2016, kur ata u takuan në sheshxhirimin e serialit spanjoll “La Embajada”.
Çifti ka zgjedhur ta mbajë jetën e tyre personale larg syrit të publikut, duke mbrojtur lidhjen e tyre.
