Milani mposhti Leçen me rezultatin 0-2 në transfertë. Sfida e javës së dytë në Seria A u vendos nga dy gola në pjesën e dytë, që autorë kishin Luftus-Çik dhe Pulisiç.
Pas humbjes ndaj Kremonezes, fitorja ishte e domosdoshme. Trajneri Alegri e komentoi fitoren pas ndeshjes.
“Në Leçe është gjithmonë e vështirë të luash dhe të fitosh. Bëmë një ndeshje të mirë në aspektin teknik, edhe pse në fazën mbrojtëse duhej të bënim më mirë. Sot ishte e rëndësishme të fitonim për të lëvizur në renditje dhe për të fshirë gabimet kundër Kremonezes. Fanella e Milanit nuk të fiton ndeshjet, duhet të luash me intensitet të madh. Sonte treguam durim dhe kjo është pozitive. Kur topin nuk e kemi ne, nuk duhet të hapemi siç ndodhi me Kremonezen.
Ndryshim moduli? Në vend që të luaja me dy përpara, preferova të shtoja një më shumë në mesfushë që të ishim katër. Me këtë modul mbulojmë mirë fushën dhe kemi më shumë ekuilibër. Duhet të gjejmë siguri dhe kjo gjendet duke mos pësuar gola për disa ndeshje./panorama
