Nga të dhënat zyrtare të Qendrës Kombëtare Operacionale të Emergjencave Civile pranë AKMC, deri në orën 18:00 të datës 19 korrik 2025 janë raportuar gjithsej 22 vatra zjarri në territorin e Shqipërisë, nga të cilat 11 janë shuar dhe 11 të tjera mbeten aktive.
Vatrat e shuar deri më tani:
- Bashkia Korçë
- Bypass-i i Vlorës (njësia Orikum, bashkia Vlorë)
- Vish (bashkia Himarë)
- Qeparo (bashkia Himarë)
- Fshati Borsh (njësia Lukovë, bashkia Himarë)
- Fshati Mborje (njësia Drenovë, bashkia Korçë)
- Fshati Karpen (njësia Golem, bashkia Kavajë)
- Fshati Karpen (njësia Maminas, bashkia Shijak)
- Fshati Velçë (njësia Brataj, bashkia Selenicë)
- Fshati Çerkezë-Morinë (njësia Zall-Herr, bashkia Kamëz)
Vatrat aktualisht aktive:
Qarku Dibër
- Parku Kombëtar i Lurës, “Liqeni i Luleve”: Zjarri është aktiv që prej datës 7 korrik dhe vazhdon në dy vatra. Angazhuar janë 60 forca, përfshirë FA.
- Njësia Shupenzë, bashkia Bulqizë: Zjarr me intensitet të ulët, me forca zjarrfikëse dhe të Shërbimit Pyjor në terren.
- Fshati Zall Gjoçaj, bashkia Mat: Zjarr në terren të thepisur, në operacion edhe një helikopter.
- Fshati Dovolan, bashkia Dibër: Zjarr afër banesave, në pyll me dushk.
Qarku Fier
5. Fshati Belishovë, bashkia Mallakastër: Zjarr i riaktivizuar me zgjerim të perimetrit. Në operacion janë mbi 90 forca dhe mjete të ndryshme.
Qarku Vlorë
6. Sotiran, “Qafa e Shëngjergjit” mbi fshatin Dukat: Zjarr intensiv që ka përfshirë edhe kurorën e pyllit me pisha.
Qarku Elbasan
7. Fshati Shmil, në kufi me fshatin Gurakuq, në pyll gështenje. Terreni vështirëson ndërhyrjen.
8. Kodra Kraste, bashkia Elbasan: Zjarr në zhvillim.
Qarku Lezhë
9. Fshati Tenë, bashkia Mirditë: Zjarr në sipërfaqe me shkurre, forcat zjarrfikëse janë në terren.
Qarku Durrës
10. Fshati Zallë, bashkia Krujë: Ndërhyrje me mjete zjarrfikëse dhe forca emergjencash.
11. Bashkia Shijak, afër Parkut të Kamionëve Pelikani: Zjarr në bimësi të ulët.
Autoritetet mbeten në gatishmëri të plotë për të përballuar situatën dhe i bëjnë thirrje qytetarëve të shmangin çdo veprim që mund të shkaktojë zjarre të qëllimshme apo nga pakujdesia.
