Grabitet shtëpia e Ermal Metës në Itali, këngëtari mesazh hajdutëve: Nëse kërkoni ar tek ne, kantautorët s’janë të pasur

Aventurë fatkeqe për Ermal Metën dhe partneren e tij Chiara Sturdà, dy ditë pas lindjes së vajzës së tyre të parë Fortuna Marie.

 

Në një moment që supozohej t’i kushtohej ekskluzivisht gëzimit dhe vogëlushit të sapoardhur, çifti u gjend duke u përballur me ndërhyrjen e hajdutëve në shtëpinë e tyre.

Lajmin e ka dhënë vetë këngëtari në rrjetet sociale ku ka treguar derën e shtëpisë së tij të shkatërruar nga kriminelët.

Meta ka rrëfyer ngjarjen me hidhërim, por edhe ironi: Njoftim për hajdutët që thyen derën time sonte për të vjedhur, një gjerdan. Nëse kërkoni ar dhe para në shtëpinë e kantautorëve, ne nuk jemi të pasur.”

Me gjithë fatkeqësinë, Ermal Meta i ka kushtuar më pas një video fansave për t’i falënderuar për dashurinë që i kanë shprehur sot: “Fortuna e vogël është mirë. Mami i saj është mirë. Ju falënderoj të gjithëve për dashamirësinë!” – thotë kantautori. balkanweb