Papa Françesku, i shoqëruar në karrocë me rrota, u paraqit në bazilikën e Shën Pjetrit për t’u lutur përpara fillimit të Vigjiljes së Pashkëve dhe përshëndeti disa besimtarë të pranishëm. Ai hyri dhe doli nga Porta e Lutjes, më e afërta me Shtëpinë Santa Marta, ku po kalon kohën e rikuperimit.
Mesazhi i Papës në homeli
Në tekstin e homelisë, të lexuar gjatë ritit nga kardinali Giovanni Battista Re, Papa fton të gjithë që të bëhen “lajmëtarë të shpresës, ndërtues të shpresës, ndërkohë që shumë erëra vdekjeje fryjnë mbi ne”.
Papa shkruan:
“E gjithë jeta jonë mund të jetë praninë e shpresës. Duam të jemi të tillë – për ata që janë dorëzuar ose që mbajnë shpinën e përkulur nën peshën e jetës – për të gjithë të varfrit dhe të shtypurit e tokës; për gratë e përulura dhe të vrara; për fëmijët që nuk lindën kurrë dhe ata të keqtrajtuar; për viktimat e luftës. Të gjithëve dhe secilit u sjellim shpresën e Pashkës!”
View this post on Instagram
Vizita e papritur në bazilikë
Papa mbërriti në Bazilikën e Shën Pjetrit pak para orës 18:00 dhe qëndroi rreth 15 minuta, i duartrokitur nga të pranishmit. Ai ishte i shoqëruar nga infermieri Massimiliano Strappetti dhe u ndal për t’u lutur para varrit të Shën Pjetrit.
Disa besimtarë e panë pranë ashensorit në zonën e skulpturës së Pietà-së nga Mikelanxhelo, që të çon te Lozha apo Pallati Apostolik. Më pas, ai u kthye në bazilikë, ku u prit me përqafime dhe dashuri nga shumë pelegrinë, dhe u rikthye në Casa Santa Marta.
Urbi et Orbi?
Lozha është vendi ku Papa jep zakonisht bekimin Urbi et Orbi për Pashkë dhe Krishtlindje.
Vatikani ka deklaruar:
“Papa Bergoglio dëshiron të jetë i pranishëm në bekimin Urbi et Orbi më 20 prill, pas meshës së Pashkës në Shën Pjetër”, por do të duhet pritur të dielën për të parë nëse gjendja e tij shëndetësore do ta lejojë këtë.
Via Crucis pa praninë e Papës
Ceremonia e Udhës së Kryqit të Premten e Madhe u kryesua nga kardinali Baldo Reina, vikari i Papës për dioqezën e Romës.
Për të tretin vit radhazi, Papa Françesku nuk mori pjesë, por udhëhoqi përgatitjet personalisht ceremoninë.
Të enjten, ai kishte vizituar burgun Regina Coeli në Romë.
