Tre persona kanë humbur jetën pasi një aeroplan i vogël u përplas në një autostradë në qytetin Boca Raton të Floridës, shkruajnë mediat amerikane, duke cituar ato lokale.
Pamjet nga vendngjarja tregojnë rrënojat e përfshira nga flakët të aeroplanit, si dhe një veturë që po digjej pranë vendit të aksidentit, që ndodhi mëngjesin e së premtes.
Banorët përreth përshkruan momentet para përplasjes, duke thënë se dëgjuan një zhurmë të madhe dhe të ulët, që u përshkrua si “shumë e fortë dhe e afërt”.
Të dhënat e fluturimit tregojnë se aeroplani me helika i tipit Cessna 310R kishte bërë disa rrotullime në ajër pak pas ngritjes nga Aeroporti i Boca Ratonit, para se të binte në autostradë./balkanweb
