Pamjet, që janë bërë virale në pak orë, tregojnë një person duke ecur i qetë në mes të qytetit, ndërsa pranë tij ndodhet një luan i mbajtur me litar në qafë. Skena ka habitur qytetarët, të cilët e kanë filmuar momentin dhe e kanë shpërndarë masivisht në rrjet.
Sipas dëshmitarëve, kalimtarët janë ndalur të shtangur, disa duke filmuar dhe të tjerë duke mbajtur distancë për arsye sigurie. Sjellja e qetë e kafshës dhe e pronarit ka shtuar edhe më shumë habinë, pasi duket sikur bëhet fjalë për një kafshë shtëpiake.
Ende nuk dihet nëse luani është i trajnuar apo në çfarë kushtesh mbahet, ndërsa rasti ka ngritur pikëpyetje serioze për sigurinë publike dhe kontrollin e kafshëve të egra në ambiente urbane.
