Situata paraqitet e rëndë në Malin e Tërbunit në Pukë, ku zjarri vijon të përhapet me shpejtësi, duke përfshirë sipërfaqe të mëdha pyjore.
Flakët, të favorizuara nga era dhe terreni i vështirë malor, kanë përfshirë edhe një banesë të braktisur.
Pamjet nga zona tregojnë përmasat e zjarrit që ka përfshirë masivin pyjor, ndërsa forcat në terren vijojnë përpjekjet për izolimin e flakëve dhe ndalimin e përhapjes së tyre.
Mali i Tërbunit ishte raportuar edhe më herët gjatë ditës mes vatrave aktive të zjarrit, ndërsa gjatë mbrëmjes situata është përkeqësuar.
