Kryeministri Edi Rama ka uruar sot 81-vjetorin e Çlirimit të Shqipërisë. Përmes një postimi në rrjetet sociale, ai ka ndarë një foto nga Memoriali “Nëna Shqipëri”, duke përcjellë mesazhin e tij për këtë ditë simbolike për vendin.
“Mirëmëngjes dhe me urimin për festën kombëtare të çlirimit, ju uroj të gjithëve një fundjavë të paqtë”, shkruan Rama, duke e shoqëruar urimin me imazhin përfaqësues të monumentit që nderon sakrificën e dëshmorëve të atdheut.
Në Varrezat e Dëshmorëve të Kombit u zhvillua ceremonia zyrtare e homazheve, ku morën pjesë autoritetet më të larta të shtetit. Kryeministri Edi Rama vendosi një kurorë me lule pranë Monumentit “Nënë Shqipëri” dhe u përkul në nderim të kujtimit të të rënëve, duke nderuar sakrificën e tyre sublime në emër të lirisë dhe të ardhmes së vendit.
Mesazhi i kësaj dite mbetet i pandryshuar: nderim dhe mirënjohje e përjetshme për të gjithë ata që luftuan dhe u flijuan që Shqipëria të jetonte e lirë.
