Policia e Fierit ka dhënë detaje të reja lidhur me aksidentin e ndodhur një ditë më parë në qytetin e Ballshit, ku një 18-vjeçar përplasi një vajzë të mitur, e cila ndodhet nën kujdesin e mjekëve.
Specialistët e Sektorit të Qarkullimit Rrugor arrestuan në flagrancë shtetasin S. F., 18 vjeç, për veprën penale “Shkelja e rregullave të qarkullimit rrugor”.
Po ashtu, nga të njëjtët specialistë u vu në pranga edhe O. O., 18 vjeç, banues në Levan, pasi u kap duke drejtuar automjetin pa leje drejtimi.
Policia po vijon kontrollet në terren me qëllim rritjen e sigurisë rrugore dhe parandalimin e aksidenteve.
