Brad Pitt, një nga aktorët më të njohur të Hollywood-it, ka ndarë së fundmi një nga mësimet më të mëdha që ka nxjerrë deri në moshën 61-vjeçare: rëndësinë për t’u rrethuar me njerëz që do të duan dhe që do t’i duash. Dhe duket se një nga ata njerëz për të është partnerja e tij, Ines de Ramon.
Burime për Entertainment Tonight pohojnë se marrëdhënia mes Brad dhe Ines është shumë e qëndrueshme:
“Brad dhe Ines po ecin shumë mirë. Ines është e qetë dhe e lumtur, dhe nuk e shqetëson vëmendja që sjell gjithçka rreth Brad-it. Ajo e përballon lehtësisht dhe nuk ka problem të rrijë në hije për ta lënë atë të shkëlqejë.”
Të hënën mbrëma, Ines ishte në krah të Brad-it gjatë premierës së filmit të tij më të ri, “F1”. Edhe pse janë bashkë që nga viti 2022, kjo ishte vetëm hera e dytë që ata shfaqen së bashku në tapetin e kuq.
Një burim afër çiftit shton:
“Asaj i pëlqen të jetë aty, të mbështesë Brad-in dhe punën e tij, dhe të kalojnë kohë së bashku. Ajo është një forcë stabilizuese për Brad.”
Kjo marrëdhënie duket se po ndikon pozitivisht në jetën personale dhe profesionale të aktorit hollivudian, që ndodhet në një moment të rëndësishëm të karrierës së tij.
