Ditën e enjte, në ora 19.00 në ambientet e COD në Tiranë, do të hapet ekspozita fotografike “Shqiptarë të Panjohur”, me autor Ben Blushi.
Autori e ka quajtuar këtë cikël fotografish “Shqiptarë të Panjohur” në emër të të gjjthë atyre njerëzve të panjohur të cilët i ka takuar në rrugët e Shqipërisë, në qytete dhe fshatra të vegjël.
“Ata më lejuan t’i fotografoj duke më mësuar artin e mrekullueshëm të fotografisë” – thotë Blushi. Kjo ekspozitë do të qëndrojë e hapur nga data 3 deri deri në 30 prill në hollin e Kryeministrisë dhe hyrja për të gjjthë është e lirë.
Një ekspozitë së cilës edhe Kryeministri Rama i bën jehonë në rrjetet sociale, duke e shoqëruar me titullin: PËR TË MOS U HUMBUR. Rama më pas shkruan: Një ekspozitë befasuese fotografish nga Ben Blushi në COD (Qendra për Hapje dhe Dialog në Kryeministri).”/Balkanweb
