Presidenti amerikan Donald Trump ka bërë një premtim të fortë elektoral: 5 mijë dollarë për çdo qytetar të rritur amerikan, nëse republikanët ruajnë kontrollin e Dhomës së Përfaqësuesve dhe Senatit në zgjedhjet e ndërmjetme të nëntorit.
Gjatë konventës së republikanëve në Dallas, Teksas, Trump e quajti pagesën “Trump Dividend”, duke e krahasuar me dividendin që kompanitë u shpërndajnë aksionerëve.
“Nëse republikanët fitojnë, ju fitoni bashkë me ne dhe merrni 5 mijë dollarë”, deklaroi Trump. Sipas tij, paratë do të duhet të shpenzohen brenda Shteteve të Bashkuara.
Megjithatë, presidenti nuk dha hollësi se si do të financohej apo zbatohej skema. Me rreth 270 milionë të rritur në SHBA, një pagesë prej 5 mijë dollarësh për secilin do të kishte një kosto teorike prej rreth 1.35 trilionë dollarësh.
Zbatimi i planit do të kërkonte gjithashtu përfshirjen e Kongresit. Zëvendëspresidenti JD Vance sugjeroi më pas se amerikanët më të pasur mund të mos përfshiheshin në skemë dhe se një pjesë e financimit mund të vinte nga të ardhurat e tarifave doganore.
Trump u kërkoi mbështetësve që zgjedhjet e 3 nëntorit t’i trajtojnë sikur edhe ai vetë të ishte në fletën e votimit, ndërsa republikanët luftojnë për të ruajtur kontrollin e Kongresit.
