Strukturat e Sektorit për Hetimin e Krimeve të Rënda, në bashkëpunim me Seksionin Operacional të DVP Vlorë, lokalizuan dhe vunë në pranga E. Ç., 35 vjeç, banues në Orikum, i cili ishte shpallur në kërkim kombëtar dhe ndërkombëtar.
Gjykata e Shkallës së Parë e Juridiksionit të Përgjithshëm Vlorë, me vendimin e datës 03.03.2025, i kishte caktuar masën e sigurisë “Arrest në burg” për veprën penale “Vrasja me dashje”, mbetur në tentativë.
E. Ç. akuzohet se më 02.04.2024, në aksin rrugor “Llogara-Palasë”, në bashkëpunim me vëllanë e tij, shtetasin A. Ç., ka goditur me mjet prerës (thikë) shtetasit K. A., 41 vjeç, dhe S. A., 38 vjeç, gjatë një konflikti për motive të dobëta. Më pas, ai ka përplasur me automjet shtetasin K. A., i cili ka pësuar dëmtime të rënda.
