Davos – Kryeministri Edi Rama me Presidentin e Ukrainës, Volodymir Zelensky, nënshkruan një marrëveshje të rëndësishme në fushën e sigurisë
Kryeministri Edi Rama, i cili ndodhet sot në Davos, është takuar me presidentin ukrainas, Volodymyr Zelensky.
Përmes një postimi në rrjetin e tij social, Rama njofton se ai dhe lideri i Ukrainës nënshkruan një marrëveshje të rëndësishme në fushën e sigurisë.
Sakaq kryeministri Rama nuk ka dhënë ende detaje lidhur me marrëveshjen që firmosi sot me presidentin ukrainas.
“Davos – Me Presidentin e Ukrainës, Volodymir Zelensky, nënshkruam një marrëveshje të rëndësishme në fushën e sigurisë”, shkruan Rama krahas fotove që ka postuar në Facebook.
Kryeministri Edi Rama, shkoi në Davos, në kuadër të Forumit Ekonomik Botëror.
Më herët ai u takua edhe me Christine Grahn, drejtuesen e Marrëdhënieve me Qeveritë, Politikën Publike të TikTokut për Europën.
Gjatë takimit me Grahn, Rama parashtroi shqetësimet që çuan në vendimin e mbylljes së përkohshme të aksesit në platformë nga Shqipëria.
