Ministri i Drejtësisë, Ulsi Manja njofton se Komiteti i Përfaqësuesve të Përhershëm (COREPER) të Këshillit të BE miratoi Pozicionin e Përbashkët të BE për hapjen e Grupkapitullit të Parë me Shqipërinë .
Në këtë moment vendimtar të procesit të integrimit në prag të zhvillimit të Konferencës së Dytë Ndërqeveritare, shprehet ai, Ministria e Drejtësisë si institucioni kyç për Kapitullin 23 (Shteti i së Drejtës, Gjyqësori dhe të Drejtat Themelore) dhe Kriteri Politik për Funksionimin e Institucioneve Demokratike shpreh krenarinë dhe angazhimin për udhëheqjen me përgjegjësi të proceseve në vazhdimësi.
