Një ndalim qarkullimi gjatë natës është vendosur në zonat e prekura nga zjarret shkatërruese që po përhapen në Los Anxhelos.
Ky rregull do të jetë në fuqi në zonat Pacific Palisades dhe Eaton Fire, ndërsa policia paralajmëron se kushdo që përfshihet në vjedhje do të arrestohet.
Deri tani, të paktën 10 persona kanë humbur jetën nga zjarret dhe vlerësohet se janë shkatërruar rreth 10,000 shtëpi dhe struktura të tjera.
View this post on Instagram
Presidenti Joe Biden e ka përshkruar situatën në Los Anxhelos si një “zonë lufte,” duke paralajmëruar se numri i viktimave “ka gjasa” të rritet.
Një parashikim për erëra të forta të tjera ka shtuar frikën se flakët mund të përhapen më tej.
Ndërkohë edhe një tërmet ka goditur Kaliforninë, me magnitudë 3.7 në San Francisko mëngjesin e së premtes.
