Ambasadori i Bashkimit Evropian në Shqipëri, Silvio Gonzato, është takuar ditën e sotme me kryetaren e Këshillit të Lartë të Prokurorisë, Mirela Bogdani, në kuadër të zgjedhjes së kreut të ri të SPAK.
gonzato
Përmes një njoftimi zyrtar në Facebook, Delegacioni i BE-së në Shqipëri ka deklaruar se do të ndjekë nga afër këtë proces, duke rikonfirmuar mbështetjen për pavarësinë dhe llogaridhënien në sistemin gjyqësor shqiptar.
“Një sistem drejtësie i besueshëm dhe i pavarur mbetet thelbësor për të forcuar besimin e qytetarëve dhe për të avancuar rrugën e Shqipërisë drejt Bashkimit Evropian,” – thuhet në deklaratën e publikuar nga European Union in Albania.
Njoftimi
Një sistem drejtësie i besueshëm dhe i pavarur mbetet thelbësor për të forcuar besimin e qytetarëve dhe për të avancuar rrugën e Shqipërisë🇦🇱 drejt Bashkimit Evropian.
Ambasadori i BE-së Gonzato u takua me znj. Mirela Bogdani, Kryetare e Këshillit të Lartë të Prokurorisë (KLP), për të diskutuar punën në të ardhmen dhe momentet kyçe që priten, përfshirë përzgjedhjen dhe emërimin e Kreut të ri të SPAK. Delegacioni i BE-së do të ndjekë nga afër këtë proces, duke vazhduar njëkohësisht të mbështesë të gjithë sistemin gjyqësor në forcimin e pavarësisë, llogaridhënies dhe efikasitetit në të gjitha nivelet.
KLP ka një rol thelbësor në garantimin e procedurave transparente dhe të bazuara në meritë për ngritjet në detyrë, vlerësimet dhe standardet profesionale brenda sistemit të prokurorisë. Ne do të vazhdojmë të asistojmë KLP-në me ekspertizën tonë më të mirë për të ndihmuar Shqipërinë të përmbushë standardet e BE-së.
