Ish-presidenti i Iranit, Mahmoud Ahmadinejad, i cili drejtoi vendin nga viti 2005 deri në vitin 2013, është vrarë gjatë një sulmi ajror të përbashkët izraelito-amerikan, sipas raportimeve të agjencisë iraniane të lajmeve ILNA.
Sipas burimeve të cituara, sulmi goditi rezidencën e tij në zonën Narmak, në verilindje të Teheranit, duke shkaktuar vdekjen e Ahmadinejadit dhe disa truprojave të tij. Mediat ndërkombëtare raportojnë se goditja ka ndodhur vonë mbrëmjen e së shtunës.
Para se të zgjidhej president, Ahmadinejad ka shërbyer si guvernator i provincës Ardabil dhe si kryebashkiak i Teheranit. Pas përfundimit të dy mandateve, ai u emërua nga udhëheqësi suprem i atëhershëm, Ajatollah Ali Khamenei, anëtar i Këshillit të Përcaktimit të Interesit të Shtetit, një organ këshillimor pranë Zyrës së Liderit Suprem.
Lajmi vjen në një moment tensioni të lartë në Lindjen e Mesme, pas përshkallëzimit të sulmeve mes Izraelit dhe Iranit. Deri tani nuk ka një konfirmim të pavarur nga burime ndërkombëtare për rrethanat e sakta të ngjarjes.
