Kina dënoi sot me burgim të përjetshëm një adoleshent për vrasjen e një shoku të klasës, një rast që tronditi vendin dhe hapi debatin për krimin e të rinjve.
Tre të dyshuar, të gjithë nën moshën 14 vjeç në kohën e krimit, u akuzuan në prill se kishin ngacmuar shokun e tyre të klasës, një djalë 13-vjeçar të quajtur Wang, për një periudhë të gjatë përpara se ta vrisnin me lopatë dhe ta groposnin trupin e tij në një serrë e braktisur.
Detajet të krimit dhe veçanërisht organizimi metodik i tij nga adoleshentët bënë bujë dhe hapi debatin për reagimin gjyqësor ndaj krimit të të rinjve.
Një nga adoleshentët, i quajtur Zhang , u shpall fajtor për vrasje dhe u dënua me burgim të përjetshëm, njoftoi sot një gjykatë në provincën Hebei të Kinës veriore.
Bashkëpunëtori i tij, i quajtur Lee, u dënua me 12 vjet burg.
Adoleshenti i tretë u shpall i pafajshëm penalisht sepse u konsiderua se kishte pasur një përfshirje të kufizuar në vrasje, por u dënua me një reformator .
Sipas ligjit kinez, vrasja dënohet me burgim ose me vdekje.
Organizata joqeveritare Amnesty International e konsideron të “sigurt” se Kina është vendi që ekzekuton më shumë të dënuar çdo vit, më shumë se Irani dhe Arabia Saudite.
