Drejtuesi politik i PS për diasporën Taulant Balla, ka përshëndetur kandidimin e prokurorit shqiptaro-amerikan Robert Lulgjuraj për Kongresin e SHBA-së në distriktin 10 të Miçiganit, duke e cilësuar si një moment historik për komunitetin shqiptar në Amerikë.
Në një postim në rrjetet sociale, Balla shkruan:
“Historia e shqiptarëve të Amerikës po ecën drejt një momenti historik. Prokurori shqiptaro-amerikan Robert Lulgjuraj po kandidon për Kongresin e SHBA në distriktin 10 të Miçiganit, ku shqiptarët janë një nga komunitetet më të mëdha. Prandaj shqiptarët aty duhet të ndjekin këshillën e Skënderbeut: bashkimi bën fuqi.”
Balla thekson se ka ardhur koha që në Capitol Hill të ketë një përfaqësues shqiptar, “krah për krah me Presidentin Trump”.
Postimi i tij ka marrë reagime të shumta nga ndjekës të komunitetit shqiptaro-amerikan, të cilët e shohin kandidimin e Lulgjurajt si një mundësi të rëndësishme për përfaqësimin e shqiptarëve në politikën amerikane
