Presidentja e Komisionit Evropian, Ursula von der Leyen, ka anuluar një takim të parashikuar me kryeministrin e Serbisë, Millosh Vuçeviç, të premten në Beograd, konfirmoi për Radion Evropa e Lirë zëdhënësi i KE-së, Eric Mamer.
Arsyeja e anulimit, sipas zëdhënësit, ishte një takim që Vuçeviç e mbajti paraprakisht ditën e njëjtë me ministrin e Zhvillimit Ekonomik të Rusisë, Maksim Reshetnikov.
Ky I fundit është I shpallur nongrata nga SHBA dhe i sanksionuar nga një sërë vendesh të Perëndimit, për shkak të luftës në Ukrainë.
Presidentja e Komisionit Europian, ndodhet në Serbi, në kuadër të turit të saj në 6 vendet e Ballkanit Perëndimor.
Nga Beogradi, ministri rus i padëshiriuar për Perëndimin, deklaroi se Moska e “çmon politikën e balancuar” të Serbisë dhe qëndrimin e saj për të mos vendosur sanksione ndaj saj.
Gjithashtu, me Reshetnikov raportohet se ka biseduar me kryeministrin vendas për forcimin e mëtejshëm të bashkëpunimit ekonomik dhe të përgjithshëm ndërmjet dy vendeve.
