Dubai ka përfunduar me sukses fluturimin e parë provë të taksisë ajrore plotësisht elektrike, duke hapur rrugën për një revolucion në transportin urban që pritet të nisë zyrtarisht në vitin 2026.
Ky mjet ajror futurist është zhvilluar nga kompania amerikane Joby Aviation dhe është projektuar për të përshpejtuar ndjeshëm lëvizjen në qytet. Ai mund të fluturojë deri në 160 kilometra me një shpejtësi maksimale prej 320 km/h. Udhëtimi nga aeroporti i Dubait deri te Palm Jumeirah, që aktualisht zgjat rreth 45 minuta me makinë, do të reduktohet në vetëm 12 minuta.
View this post on Instagram
Testi u zhvillua mbi shkretëtirën e Dubait, duke demonstruar ngritjen vertikale, fluturimin mbi terren dhe uljen e sigurt në pistën e dedikuar për testime.
Ky është hapi i parë drejt vendosjes së një rrjeti taksish ajrore në qytetin që synon të bëhet kryeqyteti global i teknologjisë dhe inovacionit.
Taksia ajrore është 100 për qind elektrike, pa emetime dhe me qëllim të reduktimit të trafikut urban dhe ndotjes.
