Policia e Tiranës ka finalizuar operacionin e koduar “Daily Rent”, duke goditur një rast të shfrytëzimit të prostitucionit në kryeqytet. Operacioni u organizua nga specialistët për Hetimin e Krimeve të Komisariatit të Policisë Nr. 3, pas një pune intensive hetimore.

Gjatë ndërhyrjes u arrestuan në flagrancë dy shtetas brazilianë:

  • A. M., 25 vjeç, për veprën penale “Shfrytëzimi i prostitucionit”;
  • G. C., 24 vjeçe, për veprën penale “Prostitucioni”.

Gjithashtu, u proceduan penalisht dy shtetas të tjerë: R. P., 22 vjeç dhe E. K., 20 vjeç, të cilët ishin të përfshirë në aktivitetin e paligjshëm.

Hetimet kanë treguar se shtetasi A. M. shfrytëzonte G. C. për prostitucion në ambiente që merrte me qira ditore, ndërsa gjatë kontrollit në një banesë në bulevardin “Zogu i Parë”, u konstatuan 24-vjeçarja dhe dy të proceduarit e tjerë.

Nga veprimet hetimore u sekuestrua edhe një shumë parash, e dyshuar e përfituar nga aktiviteti i prostitucionit. Materialet procedurale i janë referuar Prokurorisë pranë Gjykatës së Shkallës së Parë Tiranë për veprime të mëtejshme dhe identifikimin e personave të tjerë të përfshirë.

 

ARTIKUJ TË NGJASHËMMË SHUMË NGA AUTORI

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu