Kryeministri Edi Rama dhe ministri i Ekonomisë, Kulturës dhe Inovacionit, Blendi Gonxhe në Ministrinë e Kulturës në ish-Kinostudio, Tiranë e cila do të shndërrohet në një dritare e re për të rinjtë krijues si një nga programet më transformuese për industrinë kreative në Shqipëri, “Tirana Training Center”.
Kjo qendër do të shërbejë si katalizator për zhvillimin e kinematografisë dhe prodhimeve audiovizuale në Shqipëri, trajnimet profesionale dhe si një urë lidhëse mes industrisë krijuese dhe tregut ndërkombëtar, me pjesëmarrjen e profesionistëve nga HBO, Netflix, Warner Brothers dhe të tjerë.
“Moment i veçantë të kthehemi në këtë hapësirë pas një pune të mundimshme për restaurimin për të hapur një program inkurajues dhe frymëzues duke krijuar mundësi të reja për të gjithë të rinjtë dhe për të rejat e Shqipërisë kreative.
Kemi kaluar në një fazë ku ndryshe nga shumë vite më parë ishte këtu nuk bëhet dot asgjë, në shprehjen këtu çdo gjë është e mundur.
Pak ditë më parë kishim një diskutim në zoom me protagonistë nga SHBS që përfaqësojnë deri në nivelet më të artë industrinë kreative në SHBA, motiv për t’u mbushur me shumë besim.
Deri di vite më parë njerëzit na dëgjonin, përpiqeshin të na kuptonin kur i kërkonim të shihnin Shqipërinë me një sy që mund të bëhej ajo që ishte bërë edhe në vende të tjera, por në fund gjërat mbeteshin aty ku ishin sepse të huajt ishin të mbingarkuar me paragjykim të fortë për vendin tonë dhe shqiptarët”, tha Rama./balkanweb
