Vora ka marrë një fitore shumë të rëndësishme në javën e dytë të Superiores, teksa ka mundur me shifrat
Një fitore domethënëse për debutuesit në kampionat, të cilët kanë shfrytëzuar më së miri rastet e krijuara përballë bardhebluve, të cilët e nisin si mos më keq këtë kampionat duke treguar shenja se janë shumë larg asaj që pretendojnë drejtuesit e klubit.
Vora bëri gjithçka mirë që në pjesën e parë duke rrezikuar disa herë portën e Tafas derisa erdhi avantazhi me Karricën me penallti. Goli i dytë i këtij të fundit në startin e pjesës së dytë ishte një goditje e rëndë për bardheblutë që shfaqën pak gjëra për t’u kujtuar. Zuna me kundërsulm mbylli diskutimet dhe goli i Eliton shërbeu vetëm si ngushëllim statistikor për bardheblutë në fund të kësaj sfide.
VORA-TIRANA 3-1
36′ (p), 46′ Karrica, 69′ Zuna / 84′ Eliton
NGJARJET KRYESORE
90’+6’ Mbyllet ndeshja me fitoren 3-1 të Vorës.
90’+2’ Rast i artë i Tiranës me Soler i cili nuk mposht dot Ruçin pak hapa larg portës. (VIDEO)
86’ Patsatsia vë në provë Ruçin me një gjuajtje nga larg, më pas Falaje shkakton faull ndaj Repajt. (VIDEO)
84’ GOOOL TIRANA! Eliton shkurton diferencën me në goditje dënimi spektakolare që mposht Ruçin. (VIDEO)
83’ Mihana merr vendin e Haxhiut në radhët e Tiranës.
81’ Ajodele dhe Uollas hyjnë në fushë në vend të Luis Felipe dhe Fazlagiç te Vora.
80’ Haxhiu shfaqet në pozicion ballor në zonë, gjuajtja e tij ndalet nga Ruçi i vëmendshëm. (VIDEO)
71’ Karrica nga e majta tenton të gjejë shtyllën e parë, por çon sferën jashtë.
69’ GOOOL VORA! Kundërsulm perfekt i vorakëve me Bardhin i cili pason për Zunën dhe mbrojtësi nuk gabon me gjuajtjen e tij. (VIDEO)
67’ Vinicius merr vendin e Dalipit në radhët e Vorës.
66’ Soler gabon me një pasim mbrapa, Tafas largon topin me vështirësi.
65’ Eliton ndëshkohet me të verdhë për një ndërhyrje ndaj Kasallës.
63’ Valerianos lë fushën e lojës, me Falaje i cili merr vendin e tij në radhët e Tiranës.
62’ Luis Felipe depërton në zonë në krahun e djathtë, Lleshi me vështirësi e kontrollon duke shmangur gjuajtjen në portë.
58’ Eliton jep sinjalin e parë me një gjuajtje nga jashtë zonës e cila devijohet në këndore.
56’ Haxhiu harkon në zonë nga e djathta, topi shkon te Ruçi i cili kontrollon pa probleme.
53’ Eliton merr vendin e Voglit në radhët e Tiranës.
50’ Tjetër mundësi shënimi për Vorën, këtë radhë është Tafas i cili shpëton katërkëndorin. (VIDEO)
46’ GOOOL VORA! Harkim perfekt i Bardhit nga e djathta, topi shkon te Karrica i cili gjuan në ecje e sipër dhe shënon golin e dytë. (VIDEO)
46’ Nis pa ndryshime pjesa e dytë.
45’+3’ Pjesa e parë mbyllet me avantazhin 1-0 të Vorës.
45’+2’ Tabeku merr një top në thellësi dhe shfaqet para portës, por gjuajtja e tij kalon mbi traversë. (VIDEO)
45’+1’ Haxhiu nga e djathta tenton të gjejë një harkim në zonë nga e djathta, por çon sferën jashtë.
45′ Jepen 2 minuta shtesë.
44’ Zuna depërton deri në zonë, por ndalet në fund nga Lleshi me një ndërhyrje vendimtare.
43’ Vogli tenton të gjejë portën me një gjuajtje të befasishme, sfera ndalet lehtësisht në duart e Ruçit.
38’ Fazlagiç ndëshkohet me karton të verdhë.
36’ GOOOL VORA! Karrica shënon me penallti. (VIDEO)
34’ Penallti për Vorën! Pas një goditje këndi, harkimi i dytë i Vrapit ndalet me prekje me dorë nga Rafa, ndërsa gjyqtari Lata nuk ka dyshime dhe bën shenjë nga pika e bardhë. (VIDEO)
27’ Dy harkime radhazi të Bardhit nga e djathta e sulmit drejt zonës bardheblu. I pari ndalet nga Lleshi e më pas në të dytin topi shkon në këndore.
24’ Haxhiu del me shpejtësi në sulm në të djathtën në anën tjetër, gjuajtja e tij devijohet dhe shkon te Ruçi lehtësisht. (VIDEO)
24’ Karrica shfaqet rrezikshëm në të majtën, tenton portën por çon sferën në duart e Tafas.
22’ Pas një harkimi në zonë në goditje dënimi, Repaj provon me kokë pa gjetur portën. Aksioni bëhet i pavlefshëm për pozicion jashtë loje.
20’ Rast i pabesueshëm i Tiranës me Tafas i cili nis një top për Haxhiun. Ky i fundit shfaqet i vetëm para portës, por gabon plotësisht me tentativën e tij. (VIDEO)
13’ Dy skuadrat krijojnë shumë pak aksione të rrezikshme duke kontrolluar lehtësisht njëra-tjetrën në çdo tentativë sulmi edhe për shkak të pasimeve të gabuara.
5’ Bardhi rrëzohet në zonë dhe kërkon penallti, Lata jep faull në sulm. (VIDEO)
1’ Nis menjëherë me rast të rrezikshëm për Vorën ndeshja, pas një goditje dënimi që sheh Vrapin të kthejë sferën për Karricën, i cili nuk devijon para portës. (VIDEO)
1’ Nis dueli në stadiumin e Laçit.
FORMACIONET ZYRTARE
VORA: Ruçi, Zuna, Shehi, Vrapi, Repaj, Dalipi, Fazlagiç, Kasalla, Karrica, Bardhi, Luis Felipe.
Trajner: Arjan Bellaj
TIRANA: Tafas, Vera, Valerianos, Lleshi, Haxhia, Vogli, Soler, Rafa, Fernandez, Patsatsia, Tabeku.
Trajner: Vangjel Mile
PANORAMASPORT.AL
