Ajsbergu më i madh në botë, i njohur si A23a, po “thyhet me shpejtësi” në disa copa të mëdha, kanë paralajmëruar shkencëtarët nga British Antarctic Survey (BAS).
Dikur me një peshë prej rreth 1.1 trilionë tonë dhe që shtrihej në një sipërfaqe prej 3,672 kilometrash katrorë – pak më i madh se Rhode Island – A23a është monitoruar nga afër që nga koha kur u shkëput nga pllaka e akullit Filchner-Ronne në Antarktidë në vitin 1986.
Ajsbergu A23a ka mbajtur titullin e “ajsbergut më të madh aktual” disa herë që nga vitet 1980, megjithëse ndonjëherë është kaluar nga ajsbergë më të mëdhenj, por me jetëshkurtër, përfshirë A68 në vitin 2017 dhe A76 në vitin 2021.
Andrew Meijers, oqeanograf në BAS, i tha CNN-it se ajsbergu po copëtohet në blloqe shumë të mëdha, të cilat janë klasifikuar si ajsbergë të mëdhenj nga Qendra Kombëtare e Ajsbergëve e SHBA-së. Ai shtoi se procesi i fragmentimit po ndodh me ritme të shpejta dhe po ndryshon dukshëm madhësinë e ajsbergut.
Sipas të dhënave më të fundit, A23a tani ka tkurrur në rreth 1,700 kilometra katrorë, një sipërfaqe që përkon përafërsisht me madhësinë e Londrës së Madhe. Ky zhvillim reflekton efektet e dukshme të ndryshimeve klimatike dhe tregon sa të brishta janë masat e mëdha të akullit në Antarktidë.
Shkencëtarët vazhdojnë të monitorojnë A23a për të kuptuar ndikimin e fragmentimit të tij në oqean dhe në ekosistemet përreth./oranews
