Ekipet e shpëtimit në Mianmar dhe Tajlandë po përpiqen me urgjencë të gjejnë të mbijetuar, disa orë pasi një tërmet me magnitudë 7.7 goditi qendrën e Mianmarit.
“Po nxjerrim njerëz nga rrënojat me duart tona,” i tha një ekip BBC-së në Mandalay, jo larg epiqendrës së tërmetit.
Të paktën 144 persona janë konfirmuar të vdekur në Mianmar dhe qindra të tjerë janë plagosur, sipas një gjenerali të ushtrisë, ndërsa edhe vendet fqinje kanë ndjerë pasojat e tërmetit.
View this post on Instagram
Në Tajlandë, një ndërtesë e papërfunduar u shemb, duke lënë rreth 100 punëtorë ndërtimi të zhdukur dhe gjashtë të vdekur, sipas zyrtarëve lokalë.
Dronë, qen kërkimi dhe makineri të rënda po kërkojnë në zonën e rrënojave për shenja jete, raporton gazetari ynë në vendngjarje.
Mianmari ndodhet në një krizë politike që nga grushti i shtetit i vitit 2021 nga junta ushtarake – gjë që e bën të vështirë sigurimin e informacionit nga terreni.
View this post on Instagram
