Mund të tingëllojë si diçka nga filmi “Chitty Chitty Bang Bang”, por makinat fluturuese së shpejti mund të transportojnë pasagjerë nëpër Evropë vitin e ardhshëm.
Kompania “Klein Vision” me seli në Sllovaki shpreson se “AirCar”, makina e parë fluturuese e prodhurar në masë, do të dalë në shitje në fillim të vitit 2026.
Stefan Klein, themeluesi i “Klein Vision”, tha se “AirCar” përmbush një ëndërr të përjetshme, për t’i mundësuar njerëzve të zakonshëm fluturime.
Klein Vision vlerëson se automjeti do të dalë në shitje në tre muajt e parë të vitit 2026, por nuk do të jetë i lirë.
Një zëdhënës i kompanisë i tha MailOnline se automjeti do të fillojë nga 800,000 dollarë (600,000 paund), por mund të shkojë deri në 1 milion dollarë (750,000 paund) në varësi të specifikave.
Blerësit do të jenë në gjendje të zgjedhin midis një motori 280, 320 dhe 340 kuaj fuqi.
Klein Vision tha se versioni më i fundit i prototipit të tij “AirCar” po testohet tani.
“AirCar” përshkon rreth 300 metra hapësirë piste duke arritur shpejtësi deri në 200 km/orë, dhe ka një shpejtësi fluturimi prej 155 km/orë sapo ngrihet në ajër.
Makina funksionon me karburant të rregullt nga pompa e benzinës dhe mund të transportojë dy persona në një lartësi maksimale prej 18,000 feet (5486 m) falë një helike.
Kur të dalë në shitje, “AirCar” do të jetë i përshtatshëm për udhëtime argëtimi ose si një shërbim taksish komercial në stilin Uber, thonë zhvilluesit e tij.
“AirCar” origjinal ka përfunduar me sukses mbi 170 orë fluturimi dhe më shumë se 500 ngritje dhe ulje.
Në vendin e saj të origjinës, Sllovaki, “AirCar” mori Certifikatën e Aftësisë për Fluturim në janar 2022.
A është ky fillimi i revolucionit në transport? Mbetet për t’u parë. Por një gjë është e sigurt: qielli nuk do të jetë më vetëm për avionët./vizionplus.
