Japonia njihet për kërkimet e saj të veçanta mbi mirëqenien mendore dhe këtë herë vjen me një ide të pazakontë, por shumë të dashur për adhuruesit e maceve: shikimi i maceve që flenë mund të ulë ndjeshëm nivelin e stresit.
Sipas një studimi të publikuar nga mediat japoneze, pamja e maceve të qeta, të përgjumura dhe të relaksuara aktivizon tek njeriu mekanizma neurologjikë që lidhen me qetësinë, uljen e ritmit të zemrës dhe prodhimin e hormoneve relaksuese. Efekti është veçanërisht i fortë te persona që kanë lidhje emocionale me kafshët.
Ekspertët shpjegojnë se lëvizjet e buta të frymëmarrjes së maceve, pozicionet e tyre të gjumit dhe gjendja e qetë krijojnë ndjesinë e sigurisë dhe komoditetit. Për këtë arsye, shumë platforma në Japoni kanë nisur të publikojnë video të maceve në gjumë si pjesë të programeve antistres.
Fenomeni ka marrë popullaritet të madh, sidomos në qytetet e mëdha, ku ritmi i jetës është i lartë dhe njerëzit kërkojnë mënyra të thjeshta, natyrale dhe të këndshme për t’u qetësuar.
.
