Buckingham Palace ka konfirmuar se Andrew Mountbatten Windsor është hequr nga lista zyrtare e ofiqeve mbretërore, duke e privuar përfundimisht nga titulli i princit dhe Dukës së York. Ky hap vjen pas muajsh presioni mbi jetën private të tij dhe akuzave të përsëritura nga Virginia Giuffre, të cilat Andrew i ka mohuar gjithmonë.
Ai do të largohet nga rezidenca e tij në Royal Lodge, Windsor, dhe do të zhvendoset në një pronë private në Sandringham Estate, financuar nga Mbretit. Megjithatë, Andrew mbetet i teti në radhën e trashëgimisë së fronit.
Reagimet: Kryeministri britanik, Starmer, deklaroi se “mbështet plotësisht vendimin e Mbretit” dhe shprehu solidaritet me viktimat e Jeffrey Epstein. Publiku ka përshkruar vendimin si “të guximshëm dhe të drejtë”.
Ndërkohë, ish-bashkëshortja e tij, Sarah Ferguson, duhet të gjejë vendbanim të ri, ndërsa vajzat e tij, Beatrice dhe Eugenie, ruajnë titujt e tyre princërore.
Ky vendim pasqyron një distancim të qartë të Familjes Mbretërore nga Andrew dhe është një nga veprimet më të rralla për heqjen e titujve mbretërorë në histori.
