Humb betejën me sëmundjen ish-kryeministri Fatos Nano, i cili ndërroi jetë në moshën 73-vjeçare. Nano prej kohësh vuante nga probleme shëndetësore dhe këtë herë nuk arriti t’i kapërcejë. Ai kishte qëndruar për një muaj në reanimacionin e një spitali privat.
Karriera politike:
Fatos Nano nisi karrierën e tij në vitin 1991, kur u zgjodh Kryeministër i Qeverisë së Tranzicionit, me detyrë organizimin e zgjedhjeve të para demokratike në Shqipëri dhe përgatitjen e vendit për tranzicionin drejt një ekonomie tregu dhe sistemi demokratik. Në zgjedhjet e 31 marsit 1991 fitoi Partia Socialiste dhe Nano u caktua përsëri kryeministër, por pas dy muajsh dha dorëheqjen.
Ai u zgjodh kryetar i Partisë Socialiste, pasardhëse e Partisë së Punës së Shqipërisë. Në mars 1992, pas fitores së Partisë Demokratike, Nano u burgos për akuza korrupsioni dhe abuzimi me detyrën, të cilat ai i mohoi.
Fatos Nano u tërhoq nga politika në vitin 2005, duke lënë pas një karrierë të gjatë dhe të shquar si një nga figurat kryesore të tranzicionit demokratik në Shqipëri.
